السبت، 24 أكتوبر، 2009

عنوان موحد .. لأفكار لا علاقة لها بالوحده





سؤال .. بسألك سؤال
قريتها مش فاكره قريتها فين بالظبط
و مش فاكره مين كانت كاتبه عن مين
انها مش مستوعبه فكره
اننا هنموت و نسيب كتب حلوه مقرينهاش
افتكرتها لما شفت دى
ابقوا تصفحوها كده
عشان بعد عمر طويل إن شاء الله
متبقاش من ضمن الحاجات اللى ملحقتوش تستمتعوا بيها

من نكات 2009
بمناسبة انه قوات الاحتلال خرجت بالكامل من العراق
و بما انه توصل لحل جذرى لمشكلة الصراع العربى الاسرائيلى
و بما ان له الفضل فى الاستقلال و الاستقرار الذى تنعم به "فلسطين" الآن
و بما انه قد ساعد جميع الدول الناميه على النهوض بأبنائها و انتشلهم من الفقر
و بما ان له انجازات خيرية و سياسيه و اقتصاديه لا تعد ولا تحصى
مُنِح أوباما عن استحقــــاق .. جائزه نوبل .. للســـلام

مما تبقى فى الذاكره المفقوده
كانت تضحك هى و والدها عندما فُتح الباب
و خرجت سيده .. ليأتى دورها أخيراً
أول مرة اشوف مريضه داخله عليا بتضحك -
..................................................... -
و رغم حديثه الطويل عن العمليه و الفتح و الاستئصال
و البدائل و الحلول و النتائج
و ما إلى ذلك من حوارات تكرهها هى
و رغم كونِها موجوده فى أكثر الأماكن التى تكرهها على الاطلاق
إلا أنها ظلت مبتسمه حتى خرجت من كل تلك الأجواء البيضاء .. السخيفه
لتترك المكان بألوانه البيضاء بروائح أجهزة التعقييم و نظرات الملل و الانتظار
لآخرى .. عابسه الوجه .. تدخل إليه فيما بعد

عندما يختلط الملل بالحريه .. بالخوف
و تكون على علم أن كثيرٌ من الأعمال تنتظرك
و أنه ليس وقت الفراغ ولا الراحه إطلاقاً
و مع ذلك تصر على أن تشعر نفسك
بأن الوقت أمامنا و الهموم خلفنا
و أن كل شىء تحت السيطرة
و ما هى فى الحقيقه إلا
رغبة فى الراحه
رغبة فى
الحريه

إلى العابرون من هُنا
"هذه المدونة مفتوحة للقراء المدعوين فقط"
الجملة دى عمرها لا كانت ولا هتكون لقراء المدونة دى
و لو شفتوها فى يوم من الايام
اعرفوا انها حاجة مؤقته و مش هتدوم أبداً

إلى العابرون من هنا
شُكــــــــــراً

9 تعليقات:

Ahmed EL Masry يقول...

إبتسام يا جميلة.. مش عارف بجد أقولك إيه؟
أنا فعلا سعيد جدا إنى بتعامل مع شخصية ناضجة زيك .. وكمان حد ذوق لأبعد الحدود .. بشكرك بجد على الجزءالرقيق الخاص بمدونتى في البوست .. ويسعدنى أن إحنا نكون أصدقاء .. لو معندكيش مانع. :)

إبتسـام يقول...

لا مانع ايه .. ليا الشرف يا احمد :)
و مفيش شكر ولا حاجه .. دى كلمة حق مش مجاملة
ولا طلب تبادل اعلان متقلقش :))
لا حقيقى مدونتك تستاهل اكتر بكتير

منورنى يا احمد
ديماً وجودك :)

Ahmed EL Masry يقول...
أزال المؤلف هذا التعليق.
Ahmed EL Masry يقول...

ربنا يكرمك يا جميلة ..
انا اسف جدا على التأخير بس كنت مشغول شوية في المجلة والجامعة ..
مفهمش أنا المصطلحات بتاعة تبادل الأعلانات دى .. بس واضح انك تقصدى تبادل إعلانات !
عموما الصفقة خسرانة لإنها مدونة لم يدخل أحد .. أقصد بتاعتى طبعا وبالتالى إنتى الخسرانه .. بس في كل الأحوال هي مدونتك .. لو ضغطى عليا شوية كمان هاديلك الباسورد ! D:

إبتسام .. لو عايز أكلمك في موضوع بعيد عن المدونات .. أقدر أبعتلك فين؟
لو مكنش ده يضايقك.

إبتسـام يقول...

ولا يهمك تنور فى أى وقت
انا كمان مفهمش لا مصطلحات ولا حاجه
و الصفقه متخسرش أبداً بشوية اهتمام منك بس

:)

بالنسبة للموضوع البعيد عن المدونات
تقدر تختار الطريقه اللى تناسبك و ربنا يسهل إن شاء الله ..

Ahmed EL Masry يقول...

الطريقة إلى تناسبك إنتى طبعاً يا إبتسام..
الحقيقة أنى عايز رأيك في مشروع مؤجل .. يبدو والله أعلم أنه هايشوف النور قريب بإذن الله .. عايز حد ناضج .. مر جديد في حياتى .. ميعرفنيش .. و مفيش فرصة للمجاملة .. عايز رأى حقيقى

ده الموضوع بإختصار .. :)

إبتسـام يقول...

:) طيب يا احمد
ممكن ايميلك لو ده يناسبك

ربنا يختارلك اللى فيه الخير ..

Ahmed EL Masry يقول...

شكراً إبتسام .. :)
ده إيميل الهوتميل:
ahmed@ahmedelmasry.com

Ebtesam يقول...

عفواً يا احمد ..

ردى هنا متأخر جداً
و ردى على الايميل متأخر أكتر
يا رب بس يكون وصلك

و بعتذر عن التأخير

بالتوفيق يا احمد
مشروع ناجح جداً بإذن الله :)