الجمعة، 9 يوليو، 2010

فى رثاء صُحبة ..

و بشوف رقمك
و مردش
و يطول بعدك
متخضش
عودتينى على طريقتك

تبعدى .. عادى
بتتشغــلى !
ما انا مش من الأصحاب أصلى
مستاهلش أخد وقتك

كان بيفوت يوم و التانى
و بشوف قلبك ينسانى
و اقول لا ده حصل حاجة

و اسأل عنك ألاقيكى
مشغولة شاغلة الناس بيكى
مبقاش عندى أمل فيكى
ولا عمرى هكونلك محتاجة

مش هستنى انا تفضيلى
و نكون أصحاب لما تجيلى
ما ده مش طبعى
انا آسفه لك

أصحاب لو هبعد .. تفتكرى
تسألى و متستنيش شُكرى
ما هو ده العادى
بالنسبة لك

على اعتبار انك صاحبه !
مع إن معاكى مفيش صُحبه
و انا مش عارفه اعيش زيك

حاولت كتير أعذر عُذرك
و اقنع نفسى بأسبابك
برضو مفسرتش انا غيابك
ولا عارفه افوتلك كذبة

لازم تعرفى يا .. إنتى
مبقاش فيكى شبه منها
مانتيش بتقربى لصديقتى
حتى انا برضو ..
بعيـــــــــد عنها !

يوم ما الاقيها هاجى و اقولك
شكراً .. جداً .. على وقتك
يمكن برضو احكى عنها

بس انتى عيشى عادى حياتك
ربنــا يسعدلك اوقاتك !
مش رح اشوفك غير يومها ..

8 تعليقات:

ИaτaShia يقول...

حـلوة أوي ياإبتسام
أسلوبك وألفاظك حلوة أوي

Ebtesam يقول...

أحلى بوجودك : )

محمد إمام يقول...

جميلة..
غاضبة :)

Ebtesam يقول...

أجمل بوجودك ..

2ragooZ يقول...

اول ديازاين للموقع احلى بكتيير

Ebtesam يقول...

مجرد تغيير للتنويع
و يمكن ننوع تانى قريب :)

سعيده بوجودك
بس كنت أتمنى اعرف رأيك فى التدوينة

Dr-Sahar Abdallah يقول...

من أروع الافكـار اللى قرأتها النهارده
جميلة جداً
ألفاظك وتشبيهاتك
ولو اني فى الأول قراتها على اساس انها من رجل لأمرأة
بعد كده أدركت قصدك
جميلة جداً يا دكتور :)

إبتسام مختار يقول...

الأجمل وجودك يا فنانة :))