السبت، 7 أغسطس، 2010

بكلمك من مصر بقى :)

تجديد
أنا لا أحب التجديد
لكن الكثير يحبه
فهل أعجبكم ؟

نصيحه
من الصعب أن تكون حياتك قائمة على شىء واحد
متوقفة على شخصٍ واحد ..
فالواحد ربما يذهب !
حينها لن تجد حتى و لو نصف بديل

رسالة
لو أنكم تعلمون
كم يحبونكم ..
كم يشتاقون إليكم ..
كم لحظة رعب -وليست قلق- يعيشونها عند غيابكم
ما غبتم لحظة عن عيونهم ..
و حفظتوهم فى عيونكم ..

ظروف
لا شىء فى الكون اسمه الظروف
إنه المُسمى الذى ابتدعه البشر ليبرروا أخطاءهم
التى ليس لها تبرير مُقنع !
الشىء الذى كان من المُفترض أن يُطلق عليه "ظروف"
هو شىء قهرى ظاهر بوضوح للجميع
و لا يحتاج إلى تبرير ..

14 تعليقات:

Dr-Sahar Abdallah يقول...

ظـــروف !!

سطور يندي لهـا الجبين :)

إبتسام مختار يقول...

:)

مشرفنى وجودك يا أحلى دكتور فى الدنيا

ИaτaShia يقول...

جميل التجديد الجديد ده
ساعات بنحتاجه برضوا :)

أنتي عارفة بقى
كلامك ديماً مابعرفش عليه
مـبدعة ديماً بجد والله
ربنا يحميكي حبيبتي :)

غير معرف يقول...

كلام حلو قوي بجد
ربنا يحميكي

انا حرة يقول...

مش عارفة هتفتكرينى ولا لأ بس انا قلت اجى اسلم عليكى و اقولك رمضان كريم :)
و مبروك على النيو لوك بتاع البلوج

إبتسام مختار يقول...

ИaτaShia
كتير بنحتاجه اه
هو يمكن التجديد اللى قبل ده اللى كان احتفالاً بعيد ميلاد المدونة بس :)
لكن ده التغير الطبيعى للحاجه الساقعه :D

انتى عارفه برضو ان وجودك يكفينى .. متحرمش منه :)

غير معرف
أحلى بوجودك
ربنا يكرمك
كل سنة و انت طيب :)

أنا حره
أقولك حاجه ؟
أنا زعلانة منك زعل اتنين اصحاب أوى و واحده فيهم سافرت من غير ما تقول للتانيه :D
طبعاً طبعاً طبعاً فكراكى
و بحاول ادخل اقرالك كتييييييير بس انتى قفلتى المدونة
ده انا زعلانة بجد يعنى :))
مش تقوليلى فكراكى :)

الله يبارك فيكى يا ياسمين
الله أكرم ، كل سنة و انتى طيبة :)

محمد إمام يقول...

:)

ما كتبتيه هنا, يحتاج إلى إلى تفصيل ونماذج, فمتى تنتقل ابتسام من الكتابة العمودية, إلى كتابة فقرات مرتبة ؟

إبتسام مختار يقول...

مش بيقولوا خير الكلام ما قل و دل
الكتابة العمودية دى ما هى إلا تعبير عن مواقف معينة بشوفها
و بحس انها متحتاجش أكتر من الكام جملة دول

بس لما بيكون فى موضوع عايزة أقول فيه كتير بكتبه فقرات طويلة
صحيح نادر بس بتحصل يعنى :)

و يمكن ده كسل بصراحه
بس مفتكرش برضو إنى لو ركزت شوية فى كل فقرة من دول و عصرت دماغى هلاقى كلام أكتر من كده أقوله

اللى حابه أعرفه بقى فعلاً
أى جزء اللى شوفته يحتاج تفصيل و نماذج ؟

khalid faris يقول...

كلام جميل قوى حرام تحبسيه كد لازم يتنشر فى كتاب او خواطر انا هستنى يوم الاقى اسمك فى جريده معروفة انا متاكد من ده
ربنا معكى

إبتسام مختار يقول...

ربنا يكرمك يا خالد
نورتنى :)

Timo.. يقول...

-(أنا لا أحب التجديد..
لكن الكثير يحبه)
وانا كمااااااااااان بصوت عالي ما بحبش التجديد خااالص :)

- (حينها لن تجد حتى و لو نصف بديل)
عند حق.......
...............
........ جدا ..!!

على فكرة انت مدونتك اكتر من رائعة..
وبجد كلامك......عاجبني :)

إبتسام مختار يقول...

على فكره المدونة رائعه بوجودك
منورنى يا فندم :)

غير معرف يقول...

قلم محترم كحاملته
لكلامك روح يا ابتسام
ماشاء الله عليكي

إبتسام مختار يقول...

ربنا يكرمك
شكراً لذوقك :)

رمضان كريم