الأحد، 24 أكتوبر، 2010

.. دفء مـا



.إذا حدث يوماً.
و كنت كذلك !
عليك أن تسجل تلك اللحظة
و تُدون ..
أنا مبسوط

.بجاحه !.
إنهم الذين لا تصفهم كلمة
ولا يستحقون حتى تلك الكلمة !
الذين يسمحون لأنفسهم بالتدخل فى شئونك
الاطلاع على كل ما هو لديك
حتى و إن مانعت ..
يجدون الطرق التى يقنعوك بها أنهم "مخادوش بالهم"
ولا تجد أنت الطريق لإحراجهم
و الأغرب فى ذلك ..!
أنهم -غالباً- ما ينتمون إلى قائمة ..
أبعد المبعدين عنك !

.سبحان الله.
فى ناس فاكرين إن ربنا خالقهم
-مخصــــوص-
عشان يدوسوا على مشاعرك
و الحجـة : ميقصــدوش
أصلهم ماخدوش بالهم
اه والله !

.و سبحان الله.
فى ناس فاكرين إن ربنا خالقك
-مخصوص برضو-
عشان تصدق نفاقهم ,,
فتقابل واحد بقالك زمن متعرفش عنه حاجه
و تلاقيه بيقولك واحشنى أوى فينك
مع إن فى ألـف طريقه يوصلك بيها
لا بس سيبك انت .. هو بيحبك أوى

.اللهم لك الحمد.
لا أشك للحظة فى وجع أن تدرك تماماً ..
أنك عند حديثك مع أحدهم ..
تحتاج دائماً لقراءة المعوذتين !
لكنى أحاول لفت انتباهك أنها نعمة ..!
فأنت محسود على نجاح ..
و قد أعطاك ذلك الحاقد فرصة ذكر الله
فلتحمد الله أولاً على النجاح
و ثانياً على أنه ذكَّرك بذكره
و ثالثاً على أنك مازلت على قيد الحياه
و لديك -فرصــة- ذكره ..
و رابعاً على أن بذكره تطمئن القلـوب
و خامساً و سادساً و إلى ما لا نهايه
على كل شىء ..
لله الحمد

.انفــــــراد.
يحتاجون إلى قَسَم !
كى يصدقوا أن الوحده لا تضرها فى شىء
بل تحلم بها كثيراً !
يحتاجون إلى قسم ..
يقنعهم بأنهم ليسوا بحاجة لـ أن "تصعب عليهم"
فهى تعشق الهدوء بعد الضجيج
و قبل الضجيج ..
و قبل الاكل و بعده !
و تعرف كيف تنتزعه لنفسها وسط الضجيج
من بين أحشــاء الزحـــام
تعشق الهدوء .. و انفرادها بنفسها
أو بحسابهم ..
وحدتهــا

.بلا رجعه.
إذا اخترت من البداية أن تسمح لهم بالخطأ
فلا تتوقع بعدها سوى سلسلة من الأخطاء
و لتتحمـل .. نتيجة إختيارك .. الخاطــىء !

.اخر ايام الصيفية.
إنه البرد الذى يمنحك شعوراً ..
أن أحداً لا يشعر به سواك !
البرد الذى يُنبهك ..
بالفــراغ الذى -قد-
قد .. يكون بداخلك


الأحد، 10 أكتوبر، 2010

! اللى على راسه شامبو



على رأى أمريكانا
لما قالت إنها و ما ليكم عليها حلفان ..
عربية 100%

و على خُطى SUNSILK
اللى كاتبلك على العبوة إنه ..
مثل كل أنواع الشامبو الأخرى ،
يجب شطف العين بالماء إذا لامسها الشامبو
و تحت شعار "مفيـش حد أحسن من حد" ..

قرر الحزب الوطنى كتابة
هذا الإعلان مدفوع الأجر
على إعلان الانتخابات الجديد
هو صحيح بيُعرض على التليفزيون الوطنى الديمقراطى
بس ده ميمنعش إن هذا الإعلان مدفوع الأجر برضو
متبقاش نيتك ســــوده بقى !!
ولا تفتكر إن الأجر ده مدفوع للناس اللى ظهروا فى الإعلان مثلاً

..

بالمناسبة .. بالنسبة للمنتجات اللى ورد ذكرها ,
هذا الإعلان غير مدفوع الأجر خالص
بس اللى عنده استعداد يدفع احنا فى الخدمه :)

الجمعة، 1 أكتوبر، 2010

! أنا مش بمثل

إنتى فاكرة إنى بهزر ؟

كل ما اصرخ تخنقى أكتر !

إنتى فاكره إنى بمثل ؟

ولا إنى أهبل و عيل ؟

لاجل ما تدادى بكشر !

و اما هتنادى رح اجى بسرعه عندك

و انسى وعدك ..

لما تدينى المِسَكر !

و أنسى إنك قولتى رح تحكى

اما هكبـــــــر

انتى فاكره انى صغير ؟

انتى فاكره لما اقولك اتخنقت

ببقى لسه فيا أكتر ؟

لما اقول إنه كفايه

يبقى لسه لك معايا

فـ قلبى ليكى شىء منور؟

انتى فاكره اللى انتى فيه بيوجع و بس

فاكره انى فـ مرة جنبك ..

و فـ ألف ناسى و مش بحس !

طب ده إنتى كل ناسى

و انتى أمى و أختى و أكتر

انتى وجعك مش بيوجع

انتى حالك -بس- ..

يقهــــــــر

انتى مش عارفه اللى فيها ؟

ولا عارفه و سايقه فيها ؟

عارفه كام مرة طلبت ..

عارفه طعم رجائى ؟.. مَرر !

عارفه كــام مـره اضــربت !!

عارفه كام ضربة ؟

فـ مَقتل !

عارفه معنى إنك تكونى

إنتى أصلى و إنتى لونى

انتى عربيه و كلامى ..

عربى .. مكسر !

عارفه إنى شفت فيكى

و شفت منك

اللى خلانى أقولك ..

طظ فيكى !

و اغير عليكى

بالأوى !..

لو حد مَسِك

عارفه انى صحيح زهقت

من قولة بحبك

اللى مش كافية .. تغيــر !

كل ما أندهلك تقولى لسه

إصبـــــــر

و الإجابه مش اختيارى

انت مُجبـر

انت أصلك مش بتفهم

مش بتعرف حتى تحلم

مش ضرورى جواز و شقة !

مش مهم خضار ، فى دُقـه

أما أمر صحيح يحير !

انتى عايزانى أقول ايه غير كفايه ؟

انتى ليه كده عامله مش فاهمة الحكاية ؟

شايفه ولا مش شايفه الإهانة !!

نفسى ولا انتى ..

مين فيكو الجبانة

مين هينهى كل شىء برصاصه

-طايشــــــــــــه- !

لو فكرت أفكـــر !!

مين بيقتل بالبطىء حلمى البسيط

مين بيتهم البرىء .. فاكرو عبيط

و فاكرنا هنصدق كلام .. لما يبرر !

لا مش عبيط .. ده بير غويط

كان ناوى ع الشر و بيحفر !

مين قالك انتى و قالهم إن احنا هُبل !!

جبتم منين معلومة إن الظلم سهل

و القتل سهل

و الحبس شهر من بعده البراءة

أنا عايز اقولك ان قلبى جرىء جراءة

و إنه لو هتساعدى .. يقدر !

و انك صحيح عالية و أميره

مهما يكون انتى الكبيره

بس ..


الله أكبــر