الأحد، 10 أكتوبر، 2010

! اللى على راسه شامبو



على رأى أمريكانا
لما قالت إنها و ما ليكم عليها حلفان ..
عربية 100%

و على خُطى SUNSILK
اللى كاتبلك على العبوة إنه ..
مثل كل أنواع الشامبو الأخرى ،
يجب شطف العين بالماء إذا لامسها الشامبو
و تحت شعار "مفيـش حد أحسن من حد" ..

قرر الحزب الوطنى كتابة
هذا الإعلان مدفوع الأجر
على إعلان الانتخابات الجديد
هو صحيح بيُعرض على التليفزيون الوطنى الديمقراطى
بس ده ميمنعش إن هذا الإعلان مدفوع الأجر برضو
متبقاش نيتك ســــوده بقى !!
ولا تفتكر إن الأجر ده مدفوع للناس اللى ظهروا فى الإعلان مثلاً

..

بالمناسبة .. بالنسبة للمنتجات اللى ورد ذكرها ,
هذا الإعلان غير مدفوع الأجر خالص
بس اللى عنده استعداد يدفع احنا فى الخدمه :)

7 تعليقات:

انا حرة يقول...

هو يعنى عشان معروض فى تليفزيون الحكومة تبقى الحكومة هتستنطع و مش هتدفع..اما انتى نيتك وحشة صحيح :)

وحشتينى على فكرة :)

إبتسام مختار يقول...

طول عمرى سودا من جوا :D

وحشتينى أكتر على فكره
عماله رايحه جايه فى المدونة عندك مستنية بوست جديد ..

The illusionist يقول...

الاعلان غير مدفوع الاجر اه

ده معناه انى هدفع حاجه ولا ايه ؟

وبعدين امريكانا كنت بحبها قوى

لانها عربيه متين فى الميه

واسمها امريكانا

كنت بحب قوى الحكايه دى

والحزب الوطنى الشقيق انا اوجهله كل تحيه واحترام ان اسمه جه هنا

واضح انو حاجه مهمه انا مسمعتش عنها الحزب الوثنى ده

وسلامو عليكم

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us

إبتسام مختار يقول...

The illusionist
و عليكم السلام و رحمة الله :D

غير معرف
المشكلة فعلاً مبقتش فى رئيس مصر القادم
الشعب نفسه اتغير بشكل مخيف
أشكر اهتمامك ..

غير معرف يقول...

ولـسه :D
عجبني العنوان أوي
يضحك :D

إبتسام مختار يقول...

:D

أدام الله ضحكتك :D