الاثنين، 10 يناير، 2011

صباحٌ بنكهة الليمون



والله و الأيام عَـدِت هــوا ..!!"

ربما لم نكن نتأمل الأرقام جيداً ..!!
لنكتشف فجأه أننا أصبحنا نبلغ من العمر بلوغ "الكِبار"
فلا تعرف هل هى اللحظة التى انتظرتها منذ سنوات ..
أم تلك التى يجب أن تنجو بنفسك من عواقبها !!



الناس حاسين بالبرد .. و فـ قلبنا شم نسيم"

كوب "مِشبَّر" من الماء البارد فى "عز" الشتاء و موسم "البرد" ..
و أمنية على يقين بتحقيقها لكثــرة ما راودتنى ..
سأصلى فجراً فى المسجد و أخرج للتمشية بمفردى حتى الشروق ..



يا أحلى نوبـات جنونى ..!!"

سئمت كونى شديدة الواقعية منذ فترة لا أعرف متى بدأت ,,
طالما كنت أتأرجح فى منتصف الطريق .. لكننى اليوم فى آخره ..
فى الاتجاه الخاطـىء .. لقد ابتعــدت كثيراً كثيـراً ..!!



لو فينا نهـرب و نطيــــر .."

منذ عُمرٍ أو يزيد .. أحلم بيومين متتاليين كما يجب ..
يومين متتاليين كما أريــــد وفقـط ..!
وتبقى نصف عام -أو قد يزيد- و أحتضن الحلم الغائب لسنين ..
وكآخر درجات السلم المتعب .. و كمثل استعجال آخر امتحان يليه إجازة
أصبحت قليلة الصبـر .. شديدة الخطورة !! .. قابلةً للاشتعـــال ..



ع ـلى جنـح الطيــر~.."

اختر بعناية ! فأغنياتها كما هى ، هادئه ..
و لن يحلُ لك صوتها تغنى إلا منخفضـاً ..
.. بـِ عَجئِــة هالسيــــــر ..!!



إن كنت قوياً ، أخرجنى من هذا اليـم !"

قلت مراراً أننى لا أحب التغيير ..
لكننى اكتشفت أنى أمارسه .. فعذراً لسوء التعبير
قد لا أكون من محبيه ، لكن للحيــــره .. حِكَـم ..!



ولغايـة وقت قريب .."

لم أكن أتوقع تغييراً قريباً .. لكنه أتٍ
فـ  ستــرك يـا رب ,,



وفينــــــــك ..؟"

أشعر بذنبٍ قاتل كلما سُئلت عن شخص أنتِ ظاهره وحقيقته .. لا أحد
فأجيب باختصار .. أنكِ الإجابة النموذجية بالتقدير الزمنى ، وبالنسبة لهم
بينمـا لا تُمثلين إجابة أصـلاً .. بالنسبة لى !
آسفــــــه .. من أعمـاقى



بس امـا تيجـى .."

ولن أحكِ لك "ع اللى جرى" ..
لأنى لا أتوقع الكثير يجرى قبل أن تأتي.

16 تعليقات:

Timo.. يقول...

صباح مسك وعنبر..
اقولك سر..؟؟
لما مش باعلق..بابقى جيت وقريت.. وسرحت..
ومش عرفت اكتب لان كلامك اكبر من مليون تعليق..

باحب قوووووي النكهات والتفاصيل الصغنونة اللي بتضيفيها للبوست..

(ولن أحكى لك "ع اللى جرى" ..
لأننى لا أتوقع الكثير يجرى قبل أن تأتِ.)

حلوووووة قووووووي :)

غير معرف يقول...

رائعــة ..
كـل سطر بيعمل معـني جميـل أوي
بتعبـري عن أحساسيس بتكون جوايا و جوه غيري , و بيبقى صعب يلاقي كلام يوصفه ..

رائـعة
رائــعة يا ابتســام
الله يحميكي : )

إبتسام مختار يقول...

Timo..
الحلـو وجودك :)
بالتعليق أو من غيره
و مع ذلك , أعلِمنى به ..

إبتسام مختار يقول...

سـهــــر
أنا خايفه مره أقول سهر بكل ثقة كده و يطلع حد تانى :))

الله يخليكى ليـا : ) ..

اول النور يقول...

صباح بنكهة الليمون
مناسب لبرد الشتاء .... جداً
صباحاتنا الشتائية تتميز دائما عن صباحات باقى الفصول

تحباتى لأفقك العبق

إبتسام مختار يقول...

أول النور
تحياتى لوجودك الذى يسعدنى :) ..

Hu-man يقول...

مش عارف اعلق على ايه ولا ايه بس انتي كاتبه كوكتيل مشاعر كنت المفروض صباح بطعم الكوكتيل ..مش بطعم الليمون لأن الليمون لوحدة طعمه لاذع
أمل وخوف من بكره , وجنون ومنطق وحاجات غامضهى
طعمها غامض

إبتسام مختار يقول...

Hu-man
ديماً الحاجات "الغامضه" دى بيبقى ليها أكتر من تفسير
وهو المطلوب إثباته :)

تسعدنى زيارتك الأولى :) ..

محمد يقول...
أزال المؤلف هذا التعليق.
محمد خالد يقول...

" يا أحلي نوبات جنوني ..!! "

حقيقي مفتقدها الحالة دي دلوقتي

-----

بوست دافئ أزال بعض من برودة الجو , والحياة

إبتسام مختار يقول...

محمد خالد
مفتقد أول الطريق ولا اخره ؟ :)
..
أتمنى دوام دفء الحياه ، و الجو دون الحاجه لأى ,, بوست :) ..

NaDa يقول...

ومسائي اليـوم مختلف .. وأجمل
مساء معطر بحروف الجميلة إبتسـام :)


رائعـة كـ عـادتك
وعاجزة عن وصف ' روعـتك ' كـ عادتي
:)

إبتسام مختار يقول...

لا

منوره
كعادتك

:)

غير معرف يقول...

تقريبـاً .. أحسـاسك ما بيكـدبش : ))
سهر .

محمد خالد يقول...

""مفتقد أول الطريق ولا اخره ؟ :)""


بعترف إني مجتليش الجرأة قبل كده إني أوصل نهاية الطريق , دايما بحاول أحافظ علي حياتي بنسب معينة مابين هذا وذلك


لكن الواقعة زادت أوي من فترة ومبقاش فيه مساحة لجنوني , وخايف لما أحوال أرجع لطبيعتي , بدل ما أرجع للنسب والأارقام والحسابات , أرجعني لاخر الطريق !

إبتسام مختار يقول...

سهــــر
تفتكرى ؟؟

محمد خالد
من غير أرقام وحسابات
لأنها كفيلة فى حد ذاتها تشدك للناحية الواقعية
حاول توازن ببساطه بين الاتنين
يعنى مثلاً لو لقيت نفسك اتشغلت أوى بدراسه و شغل و مشاكل و و و
خد راحه تبقى فيها مع نفسك
عشان تخرج شوية من جو الواقع الصاخب فى أحيان كثيره ,,

شكراً لمتابعتك :)